ការបង្កើត

មេរៀនទី៤៖ វិថីជីវិត និងអនាគត

ការបង្កើត៖ យុទ្ឋសាស្រ្តខ្សែគោលដៅ

គោលដៅរយៈពេលខ្លី ជាអ្វីដែលអ្នកចង់ឱ្យសម្រេចបានរយៈពេលខ្លី។ គោលដៅរយៈពេលវែងគឺជាគោលដៅជីវិត។ គោលដៅរយៈពេលវែងអាចសម្រេចបានតាមរយៈ

អាជីព ដូចជាការក្លាយជា វេជ្ជបណ្ឌិត គ្រូបង្រៀន
ការអប់រំ ដូចជាការទទួលបានសញ្ញាប័ត្របញ្ចប់ឧត្តមសិក្សា
គោលដៅផ្ទាល់ខ្លួន ដូចជា ការរៀបអាពាហ៍ពិពាហ៍ ឬការធ្វើដំណើរជុំវិញពិភពលោក

ជំហានទី ១៖ បើកឯកសារភ្ជាប់នៅក្នុងកុំព្យូទ័ររបស់អ្នក។ សរសេរគោលដៅដែលអ្នកចង់ ធ្វើឱ្យសម្រេចបាន៖

សប្តាហ៍ក្រោយ
ខែក្រោយ
ឆ្នាំក្រោយ

ជីវិតរបស់អ្នក (អាជីព ឬគោលដៅផ្ទាល់ខ្លួន)

ជំហានទី២៖ ជ្រើសរើសគោលដៅដែលអ្នកដឹងថា អ្នកអាចធ្វើឲ្យសម្រេចបាន។ ឧទាហរណ៍ ប្រសិនបើអ្នកអាយុ២១ឆ្នាំ ហើយអ្នកមិនទាន់ចូលរៀនមហាវិទ្យាល័យ គោលដៅរបស់អ្នកមិនអាចទទួលបានសញ្ញាបត្រ ពីមហាវិទ្យាល័យក្នុងរយៈពេលមួយឆ្នាំទេ។ ព្យាយាមកំណត់គោលដៅណាដែលអាចមានលទ្ធភាព។

ជំហានទី ៣៖ គោលដៅនីមួយៗ ចូរសរសេរនូវជំហានដែលអ្នកចាំបាច់ត្រូវធ្វើដើម្បីសម្រេចបានគោលដៅនោះ។ ជំហានទាំងនោះ វាគឺជាការងារតូចៗដែលអ្នកត្រូវធ្វើមុន នឹងអាចឈានទៅដល់គោលដៅនោះ។

ជំហានទី ៤៖ ចែករំលែកនិងពិភាក្សាគោលដៅរបស់អ្នកជាមួយមិត្តភក្តិ ឬសិស្សរួមថ្នាក់។ ចូរឆ្លើយនូវសំណួរខាងក្រោម៖

តើវាមានការពិបាក ឬងាយស្រួលក្នុងកំណត់គោលដៅ?
តើអ្នកគិតថាគោលដៅរបស់អ្នកមានភាពជាក់លាក់សម្រាប់អ្នកដែរឬទេ?
តើការកំណត់គោលដៅមានសារសំខាន់យ៉ាងដូចម្តេចខ្លះ?