មេរៀនទី៥៖ ការគ្រប់គ្រងបញ្ហានានាពេលចម្រើនវ័យ

ការពិភាក្សា

ជំ​ហាន​ទី ១​៖ អាន​កាសែត​មួយ​ចំនួន​ ដែល​បាន​ដក​ស្រង់​ ជាមួយ​នឹង​សំបុត្រ​របស់​យុវវ័យ​ អំពី​បញ្ហា​នានា​របស់​ពួកគេ​។

កុមា​រី​ អាយុ​១៥​ឆ្នាំ​

នាង​ខ្ញុំ​មាន​អាយុ​១៥ឆ្នាំ​ ហើយ​នាង​ខ្ញុំ​កំពុង​ប្រឈម​នឹង​បញ្ហា​ដ៏​លំបាក​មួយ​។ ពេល​ខ្លះ​នាង​ខ្ញុំ​មាន​អារម្មណ៍​ក្រៀម​ក្រំ​ចិត្ត​ ដោយ​មិន​ដឹង​ពី​មូលហេតុ​ដែល​ធ្វើឱ្យ​ខ្ញុំ​មាន​អារម្មណ៍​បែបនេះ​។ មិត្ត​ភក្តិ​ខ្ញុំ​ទាំងអស់​តែង​តែ​មាន​ពេល​រីក​រាយ​។ សម្រាប់​ខ្ញុំ​វិញ​ ខ្ញុំ​បង្ខំចិត្ត​ចូល​រួម​ដោយ​ធ្វើជា​​រីករាយ​។ នេះ​វា​ពិត​ជាមាន​ការ​ពិបាក​ ប៉ុន្តែ​​ខ្ញុំក៏បានដឹង​ ប្រសិន​បើខ្ញុំមិន​ធ្វើ​ពុត​នោះ​ទេ​ខ្ញុំនឹង​បាត់​បង់​មិត្ត​ភក្តិ​របស់​ខ្ញុំ​។ តើខ្ញុំ​មាន​បញ្ហា​អ្វី?​

G10L10

កុមារាអាយុ​១៤​ឆ្នាំ​

ខ្ញុំ​បាទ​មាន​អាយុ​១៤ឆ្នាំ​ ហើយ​ ខ្ញុំត្រូវ​ធ្វើបទ​បង្ហាញ​នៅក្នុង​ថ្នាក់​បច្ចេក​វិទ្យា​មូល​ដ្ឋាន​ ។ ខ្ញុំ​បាន​ចំណាយ​ពេល​ច្រើន​សប្តាហ៍​ធ្វើការ​លើ​គម្រោង​មួយនេះ​។ ហើយ​ខ្ញុំ​មាន​អារម្មណ៍​ថា​ ខ្ញុំស្ទើរ​តែ​ក្លាយ​ជា​អ្នក​ជំនាញ​ម្នាក់​ទៅ​លើ​ប្រធានបទ​នេះ​។  អ្វី​ដែល​ជា​បញ្ហា​គឺថា​សម្លេង​របស់​ខ្ញុំ​បាន​ប្រែ​ប្រួល​ ហើយ​ខ្ញុំ​មិន​អាច​គ្រប់​គ្រង​បាន​។ ខ្ញុំ​មាន​អារម្មណ៍​ខ្មាសអៀន​ ហើយ​មុខរបស់​ខ្ញុំ​ប្រែ​ទៅ​ជា​ពណ៌​ក្រហម​ស្រាល​។ ខ្ញុំ​សង្ឃឹម​ថា​ការធ្វើ​បទបង្ហាញ​នេះ​អាចជា​ករណី​លើកលែង​ ប៉ុន្តែ​ខ្ញុំ​នឹង​ទទួល​បាន​តែ​២០%​ពិន្ទុ​។ តើ​ខ្ញុំ​គួរ​តែ​ធ្វើ​បទ​បង្ហាញ​ហើយ​ទទួល​ភាពខ្មាស​អៀន​នៅ​ចំពោះ​សិស្ស​ទាំងអស់​គ្នា​ ឬ​ក៏​បោះបង់​ចោល​ការ​ធ្វើ​បទ​បង្ហាញ​ ហើយ​ទទួល​បាន​ពិន្ទុ​តិច​ជាង​ចំណាត់​ថ្នាក់​ដែល​ខ្ញុំ​សម​នឹង​ទទួល​បាន?

 

G10L5-Dicussion-09

កុមារី​​អាយុ​១៤​ឆ្នាំ

នាង​ខ្ញុំ​មាន​អាយុ​១៤​ឆ្នាំ​។ ខ្ញុំ​បារម្មណ៍​ថា​ខ្ញុំ​អាច​ប្រលង​ធ្លាក់​នៅ​ក្នុង​ម៉ោង​កីឡា​។ នេះ​មិន​មែន​ព្រោះ​តែ​ខ្ញុំ​មិន​ពូកែ​ខាង​កីឡា​កាយ​សម្ព័ន្ធ​នោះ​ទេ។ ប៉ុន្តែ​ព្រោះ​តែ​ខ្ញុំ មិន​ស្លៀក​ពាក់​ឯក​សណ្ឋាន​កីឡា​។ នេះ​ដោយ​សារ​តែ​ខ្ញុំ​មិន​ចង់​ផ្លាស់​ប្តូរ​ឯក​សណ្ឋាន​កីឡា​ នៅ​ចំពោះ​មុខ​ក្មេង​ស្រី​ដទៃ​ទៀត​។ ខ្ញុំ​មិន​ចង់​ឱ្យ​ពួកគេ​បាន​ឃើញ​រូបរាង​កាយ​របស់​ខ្ញុំ​ វា​មើល​ទៅ​ដូច​ជា​យ៉ាង​ម៉េច​ទេ​។ ពួក​គេ​មើល​ទៅ​ដូច​ជា​មា​នរាង​កាយ​ស្រឡូន​ល្អ​ ហើយ​ខ្ញុំ​ដឹង​ថា​ពួក​គេនឹង​សើច​ចំអក​ឱ្យ​ខ្ញុំ​។

ជំ​ហាន​ទី ២​៖ ធ្វើ​ការ​ជ្រើស​រើស​យក​សំបុត្រ​មួយ​ ក្នុង​ចំណោម​សំបុត្រ​ទាំង​៣ ​ហើយ​ចូរ​សរ​សេរ​អំពី​អារម្មណ៍​៥យ៉ាង​ ដែល​អ្នក​សរសេរ​សំបុត្រ​នេះ​មាន​បទ​ពិសោធន៍​។

ជំ​ហាន​ទី ៣​៖ ធ្វើ​ការ​ឆ្លុះ​បញ្ចាំង​លើ​ខ្លួន​ឯង​ អំពី​សំណួរ​ខាង​ក្រោម​៖

  • តើ​អ្នក​ធ្លាប់​មាន​អារម្មណ៍បែបនេះ​ដែរ​ឬ​ទេ?​
  • តើ​អ្នក​ធ្វើ​ដូច​ម្តេច​ដើម្បី​ធ្វើ​ឱ្យ​មាន​អារម្មណ៍​ប្រសើរ​ឡើង​?

ជំ​ហាន​ទី៤​៖ សរសេរ​លិខិត​ឆ្លើយ​តប​ទៅកាន់​ម្ចាស់​សំបុត្រ​។